Dalaruma nudar ema mak foin aprende konaba website, barak mak seidauk komprende no konfundi ho termu Domain no Web Hosting. Termu rua refere tenki ita komprende no hatene tamba relasionadu ho jerensiamentu website / blog iha mundu internet. Iha artiklu ne'e, Autores sei esplika informasaun baziku konaba domain no web hosting.
Le'e Mos :
Tuir mai esplikasaun konaba Domain & Web Hosting versaun elovia.biz.
Domain
Domain ou naran domain hanesan mos enderesu mak utilizadu nudar identitadade uniku husi website ou blog. Ezemplu google.com, facebook.com, matadalanlinux.com, elovia.biz, fongtil.org no seluktan.
Autores temi uniku tamba naran domain nunka similariu iha mundu internet. Kuandu ita kria website no hakarak publika iha internet, ita obrigatoriu tenki eskoila uluk naran domain. No ita labele utiliza naran domain mak pertense ona husi ema seluk. Karik ita hakarak nafatin uza naran domain mak utilizadu ona ema seluk, ita tenki hein to'o status domain refere expiradu.
Ezemplu husi naran domain mak Autores temi iha leten sempre ho 'extensaun' mak diferente hanesan .com, .biz, .net, .org, no seluk-seluktan.
Extensaun refere ita hanaran Top Level Domain (TLD). Ezemplu seluk husi TLD hanesan .tv, .info, .us, .me, .travel, .shop.
Parsialmente bo'ot TLD refere nakloke bodik-ba publiku, signifika se'e deit bele rejistu no utiliza, maibe domain balun reguladu ho regras espesifiku no ita labele rejistu arbiru.
Ezemplu Top Level Domain hanesan .tl limitadu somente bodik-ba sidadaun Timor-Leste deit, no jeralmente kuandu ita hakarak rejistu domain refere ita tenki aneksu dokumentus mak determinadu ona nudar rekizitus rejistrasaun.
Extensaun husi TLD ne'e mos ilustra funsaun husi website, ezemplu hanesan .com utilizadu bodik-ba website komersiu, .org bodik-ba website organizasaun, .edu bodik-ba website edukasaun (eskola ou universidade). Maibe utilizasaun naran TLD dalaruma ignoradu no la apropriadu ho funsaun orijinal husi domain refere.
Funsaun seluk husi domain maka, ita bele kria accout email ho naran domain rasik. Jeralmente ita sempre hare'e account email utiliza provedores email Yahoo! ou GMail hanesan ezemplu "elovia@yahoo.com", elovia@gmail.com" no seluk-seluktan. Maibe karik ho naran domain rasik, ita bele kria account email hanesan "admin@elovia.biz", "autores@elovia.biz", "kontaktu@konforme.com" no seluk-seluktan.
Web Hosting
Web Hosting nudar fatin armazenamentu dadus digital hanesan testu, imajen, audio ou video seluktan iha mundu internet. Informasaun husi dadus digital refere aprezentadu nudar formatu website / blog. Wainhira ita kria website / blog ezemplu personal blog, website kompania ou website notisias no ita hakarak informasaun tomak husi website / blog refere bele ema asesu online, dadus website / blog refere tenki armazenadu iha web hosting.
Hanesan mos Hard Disk komputador babain, jeralmente hosting mos fornese espasu armazenamentu dadus ho espasu kapasidade disku mak adaptadu ho nesesidade. Ita bele eskoila pakote-pakote web hosting mak oferesidu husi provedores hosting ho kapasidade espasu disku mak apropriadu ho medida armazenamentu dadus website refere. Ezemplu ita kria website loja online, no utiliza web hosting ho kapasidade espasu disku 500 Mb, sertamente barak fotografia produtu mak bele armazenadu iha pakote web hosting refere komparadu ho pakote web hosting mak somente 50 Mb deit.
Normalmente wainhira ita koalia konaba web hosting, signifika ita koalia mos kompania provedores hosting mak fornese espasu iha komputador (servidor) mak utilizadu nudar fatin armazenamentu dadus-dadus website. Sertamente, sevidor bodik-ba web hosting refere la'os komputador babain, maibe konstruidu ho kualidade espesifikasaun mak konfiavel no testadu, armazenadu iha Data Center laran no ekipadu ho sistema resfriamentu. Alende konektadu ba internet, servidor refere tenki moris durante oras 24 kontinuamente no nunka desligadu, ho nune'e se'e deit bele vizita ou asesu ba ita nian website / blog kualker tempu utiliza koneksaun internet.
Oinsa? bele komprende ona konaba Domain no Web Hosting?
Fahe artiklu ne'e
;)
ReplyDeleteArtiklu diak
ReplyDeletebravo elovia
interesante
ReplyDeleteReferensia furak
ReplyDeleteRead this article to understand what web hosting is. Web hosting is important to any web site for visibility. best web hosting reviews 2020
ReplyDeletePretty good post. I just stumbled upon your blog and wanted to say that I have really enjoyed reading your blog posts. Any way I'll be subscribing to your feed and I hope you post again soon. Big thanks for the useful info. dmca ignored hosting
ReplyDeleteHosting (Internet hosting/Web hosting) is the business concern of serving, housing and observing files for one or more Web sites, and allowing Internet access (bandwidth). Hosting provides humans or organizations with the opportunity to store information, photos, video, or other content reachable to users. nvme ssd vps
ReplyDeleteThe Basics Setting up a web hosting account for the first time can be confusing and frustrating for the novice. This article will guide you through the steps of setting up a new cheap dedicated server hosting account f...
ReplyDelete