Proteja Sistema Komputador Hosi Ameasa Virus

Virus komputador maka aplikasaun ka programa ne’ebé mak bele fornese efeitu negativu bodik-bá komputador mak infektadu. Normalmente virus tama ba komputador laran ho maneira inseridu através file, programa ka aplikasaun. Virus komputador bele multiplika no espalla rasik hosi dispotivu komputador ida ba komputador seluk. Efeitu ne’ebé mak inflijidu hosi virus komputador mós altamente diversu, komesa hosi dokumentus ka file lakon hosi komputador, mosu eru wainhira hala'o ka ezekuta aplikasaun ruma no dalaruma aplikasaun refere labele utilizadu, impaktu seluk bele mós dadus ka file importante kópiadu sem notadu hosi proprietariu file rasik. Alende bele estraga file ka dokumentus, virus mós permiti bisa estraga hardware iha komputador.

Wainhira mosu dahuluk iha tinan 1970, bele dehan diseminasaun virus komputador iha tempu uluk ezekutadu totalmente offline ka manualmente. Virus-virus inísiu ne'e espalla através floppy-disk (diskete) hosi komputador ida bá komputador seluk. La hanesan virus komputador tempu uluk, agora virus komputador bele espalla ka ataka através rede komputador ka média internet.

Ida hosi fenomenu ataka sibernétika ne’ebé famozu tebes maka virus Ransomware.  Iha loron Sexta, 12 Maiu 2017, kompaña Antivirus AVAST no AVG afirma katak akontese 75.000 ataka sibernétika espalla iha 150 nasaun iha mundu. Ataka sibernétika ne'e involve Virus Komputador (Malware) ho naran Ransomware Wanna Decryptor (WannaCry). Malware ne'e distribuidu através internet utiliza média email hanesan GMail, Yahoo, Hotmail no seluktan.

Ataka Ransomware globálmente ne'e infekta rihun sistema komputador, hahu hosi sistema komputador iha indústria automotivu, banku, telekomunikasaun, hospital no sistema komputador privadu mós la husik hosi ataka Ransomware ne'e. Dadus iha komputador ne’ebé mak infektadu ho Ransomware sei blokeadu ho kriptografia no loke la diak. Vitima tenki obrigatóriu selu ho osan dijitál Bitcoin ho montante $300 bá kriador Ransomware, karik hakarak dadus tomak bele loke fila-fali hanesan originalmente.

Mapa distribuisaun Ransomware Wanna Decryptor mak relatadu hosi kompaña seguransa MalwareTech.com.

Atualmente, barak variante virus Ransomware ne’ebé mak mosu no ameasa utilizador internet iha mundu tomak, no ataka hosi variantes foun ransomware agresivu liu. La'os deit halo dadus blokeadu ho kriptografia, maibe mós bele halo sistema komputador avaria ka a'at karik vitima lakohi selu osan hodi salva dadus refere apropriadu ho tempu ne’ebé mak determinadu ona.

Janela notas Ransoware iha tela komputador mak infektadu Ransoware WannaCry.

Protesaun ne’ebé mak bele ita halo atu prevene ataka Ransomware maka ho backup file hotu ba sistema komputador ne’ebé mak kompletamente separadu. Ho nune'e, wainhira hetan ataka, file nafatin seguru tamba sei disponivel file rezerva mak ita backup ona anteriormente.

Labele loke no download e-mail ne’ebé mak enviadu hosi enderesu deskoñesidu ho konteudu no aneksu (attachment) ezemplu hanesan invoice, informasaun vaga serbisu, konfirmasaun simu sasan hosi estranjeiru, notifikasaun atualizasaun sistema operasaun Windows, link website jogus online ka link sítiu Pornografia.

Maneira seluk ne’ebé mak altamente importante tebes maka instala aplikasaun ka programa Antivirus iha komputador, ho nune'e aplikasaun antivirus bele detekta, hamos, no blokea virus komputador ne’ebé mak talves eziste ona iha komputador laran.

Karik hakarak proteja sistema komputador hosi ameasa virus hanesan ransoware, bele sosa deit lisensa antivirus original ho folin baratu no asesivel iha website https://www.fb.me/LidunSoftware.

---

LidunAntiVirus.com estabelesidu iha Dili, Timor-Leste, fulan Novembro 2018, iha sub jestaun kompaña Elovia Solutions, Unipessoal LDA. LidunAntiVirus.com nudar website dahuluk iha Timor-Leste mak espesializadu hala'o negosiu fa'an lisensa produtus Antivirus famozu bodik-bá konsumidores no empreza.

Kompras produtu iha LidunAntiVirus.com sertamente seguru, ofisial, fasil, lais no konfiavel. Lisensa sei enviadu diretamente ka maksimu oras 48, wainhira pagamentu efetuadu ona.

Kontinua

Kompetisaun Game Arena of Valor 2018

Iha selebrasaun loron aniversariu operadora telekomunikasaun TELKOMCEL ba dala 6 iha tinan 2018 ne'e. TELKOMCEL serbisu hamutuk ho Fundasaun Dezenvolvimento Software Livre (FDSL) no hetan apoiu husi  Females Love Information Technology (FEELIT) sei realiza fali kompetisaun game Arena of Valor (AoV) ho tipu jogu 5 kontra 5 (5 VS 5). Oportunidade diak bodik-ba gamers Arena of Valor Timor-Leste iha ne’ebe deit, imi bele mai partisipa iha kompetisaun refere no hetan premiu osan husi TELKOMCEL.

Informasaun loron no data kompetisaun Arena of Valor bele hare'e iha kraik ne'e:

• BRIEFING sei realizadu iha edifisiu FDSL, Loron Sabadu, 8 Setembru 2018, Oras tuku 15:00 OTL to'o tuku 17:00 OTL.


• Etapa ELIMINASAUN iha edifisiu NOC TELKOMCEL Ai-Mutin, Loron Domingo, 9 Setembru 2018, Oras tuku 10:00 OTL to'o tuku 18:00 OTL.
  
  
• Etapa SEMI-FINAL iha Timor Plaza, Loron Sabadu, 15 Setembru 2018, Oras tuku 10:00 OTL to'o tuku 17:00 OTL.
• FINAL sei rezliadu iha Timor Plaza, Loron Domingo, 16 Setembru 2018, Oras tuku 10:00 OTL to'o tuku 12:00 OTL.

Rejistrasaun kompetisaun game Arena of Valor $10 kada ekipa. Formulariu rejistrasaun, kriteria no regulamentu kompetisaun  bele download iha link kraik ne'e.

DOWNLOAD

Kontinua

Kompetisaun Fotografia "Night Market" Timor Plaza

Night Market nudar eventu rutina kada tinan mak realizadu husi Timor Plaza. Eventu ne'e nudar atividades bazar kalan bodik-ba se'e deit mak hakarak prense entretenimentu kalan ho hamnasa no mos habosu kabun ho aihan. Barak tebes stand husi loja aihan, loja telemovel, loja ropa, loja bebidas, stand komunidades arte no kultura, no seluk-seluktan mak harame eventu refere. Alende desfruta aihan no bebidas, ita mos bele haksolok hamutuk ho familia, kolega ou doben ho asisti varias atividades seluk hanesan banda muzika toka, dansa kultura, kompetisaun dansa modernu, stand up comedy, no seluk-seluktan. Atividades ne'e realizadu kada loron Kinta, hahu husi oras 15:00 OTL to'o 22:00 OTL.

Para harame liutan eventu refere, Timor Plaza serbisu hamutuk ho elovia.biz realiza kompetisaun fotografia "Night Market" ba daruak. Ne'e oportunidade mak diak tebes bodik-ba fotografu Timor-Leste iha ne’ebe deit bele mai rejistu, tamba kompetisaun ne'e nakloke ba publiku. Vensedor iha kompetisaun refere sei hetan premiu furak husi Timor Plaza.

Formulariu rejistrasaun no informasaun konaba kompetisaun bele download iha link kraik ne'e:

DOWNLOAD

Kontinua

Benefísiu Importante Website Bodik-bá Mundu Negósiu

Agora ne'e internet altamente popular no utilizadu ona hosi parsialmente bo'ot ema iha mundu. Internet mós fornese konveniénsia bodik-bá se'e deit mak hakarak asesu bá informasaun no komunikasaun sem limitasaun área no tempu. Ho konveniênsia ne’ebé mak oferesidu internet refere, bodik-bá Ita-Boot mak hala'o atividade negósiu tantu negósiu privadu ka negósiu grupu, utilizasaun internet nu’udár média informasaun negósiu altamente importante tebes tanba bele ajuda promove no publika perfil negósiu inklui atendimentu, sasan / produtu negósiu no seluktan através mundu internet.

Entantu, karik hakarak Ita-boot nia website susesu no bele sai nu’udár reprezentasaun negósiu iha mundu internet, website refere ne'e mós tenki jerensiadu ho los, hahu hosi objetivu ne’ebé mak klaru, tarjetu audensia ne’ebé mak sertu, informasaun nomós atendimentu saida deit ne’ebé mak orsida publikadu, to'o bá kestaun tékniku hahu hosi eskolla naran domíniu no enderesu website, kolokasaun servidor, kria pájina website no jestaun konteudu website refere wainhira online ona.

Aspeitu barak ne’ebé mak tenki konsideradu wainhira konstrui nomós jerensiamentu website bodik-bá negósiu. Váriu vantajen ne’ebé mak obtidu ka ita hetan wainhira kria website negósiu maka :

• Mesmu internet koñesidu ona iha mundu inklui nasaun Timor-Leste, entantu barak kompaña sasan ka atendimentu ne’ebé mak seidauk utiliza website nu’udár média informasaun negósiu. Karik kompaña refere integra website ezemplu nu’udár estratejia marketing online, signifika kompaña refere pasu ida ona iha oin hosi kompetidores ne’ebé mak seidauk utiliza website nu’udár ida hosi estratejia negósiu kompaña.


• Wainhira utiliza website atu apoiu estratejia negósiu online, bele mós implementa métodu tranzasaun online. Mesmu iha nasaun Timor-Leste métodu tranzasaun online parsialmente bo'ot ema seidauk hatene no utiliza komparadu ho nasaun seluk, wainhira desidi apoiu sistema tranzasaun online iha website, nível konfiansa kliente mos aumenta diak no sertamente hafasil prosesu tranzasaun negósiu ho lais iha ne'ebe deit no bainhira deit.


• Através website mós bele fornese atualizasaun informasaun bodik-bá klientes. Tantu informasaun kona-bá produtu ka informasaun kona-bá garantia sasan / produtu ne’ebé mak kompradu no seluk-seluktan.

Xavi prinsipal hosi website ne’ebé mak susesu, wanhira informasaun mak ezisti iha website bele atrai vizitantes transforma nu’udár klientes.

Talves barak ona ema ne’ebé mak hatene importánsia website bodik-bá negósiu. Mesmu kompaña utiliza ona métodu promosaun konvensional ezemplu hanesan imprimi brosura ka pamfletu, monta ona anúnsiu ka publisidade iha fatin barak, entantu realidade kompaña mós tenki presija website, tanba website ne'e altamente importante tebes bodik-bá apoiu prosesu negósiu ne’ebé mak ezisti.

Dadus hosi Global Web Index deklara katak, montante hosi konsumidor ne’ebé mak buka informasaun kona-bá marka produtu ho diretamente vizita bá website ofisial atinji 62 persentu. Enkuantu, somente 22 persentu konsumidor deit ne’ebé mak buka informasaun kona-bá marka produtu através média sosial. Ne'e signifika website konfiável liu tanba bele dehan katak website nu’udár edifísiu ofisial versaun dijitál nomós lubun hosi informasaun tomak ne’ebé mak reprezenta edifísu fiziku tanba bele atrai ema atu buka hatene kona-bá saida mak ita fa'an sem presija vizita ba edifísiu fiziku.

Tuir mai váriu razaun ne’ebé mak ita hetan wainhira utiliza website bodik-bá negósiu :

• Branding
  Ita bele dezeñu website ho fleksibilidade no fornese esperensia diferente bodik-bá vizitantes. Ita mós bele ho diretamente determina modelu negósiu no hamosu informasaun kompletu relasionadu marka produtu inklui benefísiu hosi produtu refere. Esensialmente ida bele oferese esperensia brand (marka) bá konsumidores ho diretamente. Ho ezistensia website mós, konsumidores sei fó konfiansa liu no klaru sei akontese tranzasaun.


• Konteudu
  Website ne’ebé mak prensidu ho konteudu kapas no interesadu bele atrai atensaun hosi vizitantes. Portantu, ita tenki kria konteudu mak interesante nomós fo oportunidade bodik-bá vizintantes para bele interaksaun diretamente.


• Kontrola
  Ita bele kontrola sitiu, tantu kodigu, hosting to'o kuantidade pájina, no seluktan. Ita mos flexivel liu para hamos konteudu ou funsionalidades apropriadu ho nesesidades, sem presija tenki involve ema seluk.


• Search Engine Optimization (SEO)
  Razaun seluk maka stratejia SEO. Ne'e altamente nesesariu karik hakarak rezultadu website mak optimu. Stratejia SEO mak diak bele ajuda brand ou marka sempre mosu iha pájina dahuluk iha search engine ezemplu Google, Bing, Yahoo ou seluktan.

Tuir mai ne'e mos benefísiu wainhira utiliza website bodik-bá negósiu :

• Fatin Vendas Sasan / Produtu
  Ho website ita bele fa'an sasan ou produtu bele mos atendimentu seluktan mak hakarak komersializadu iha internet. Funsaun website ne'e nu’udár instrumentu para introdus produtu iha mundu internet.


• Hafasil Komunikasaun
  Ita bele komunika ho fasil no lais tantu ho klientes ou konsumidores. Tanba website modernu atualmente ekipadu ho variu funsaun komunikasaun mak permiti ita bele komunika ho se'e deit, iha ne'ebe deit, no bainhira deit.


• Introdus Perfil Kompaña
  Dalaruma kompaña sertamente hakarak sira nian perfil kompaña bele koñesidu ema barak. Portantu, eskoila website nu’udár média publikasaun perfil kompaña ou organizasaun bele dehan ida hosi maneira promosaun ne’ebé mak altamente inovativu tebes.


• Atrai kandidatu ka Konsumidor Potensiál
  Website mós bele utilizadu nu’udár meius atu atrai kandidatu konsumidor ka bele mós konsumidores potensiál. La uituan kompaña ne’ebé mak bele atrai kliente ka konsumidores hosi area seluk ka estranjeiru através website ne’ebé mak ezisti. No hanesan ita hatene, kuantidade vizitante website ne'e la hosi Timor-Leste deit, entantu hosi estranjeiru mós. Ezemplu hanesan weblog www.bukahatene.tl ne'e mós dalaruma hetan vizita hosi vizintantes estranjeiru.


• Nu’udár Média Publikasaun Ofisial Kompaña
  Através website, kompaña bele publika informasaun ou anunsiu ofisialmente. Ezemplu kompaña realiza programa loteria, informasaun kona-bá atividades refere bele publikadu através website ofisial kompaña.


• Hafasil Atualiza Informasaun
  Wainhira utiliza website iha kompaña, ita bele ho fasil atualiza informasaun foun bá kandidatu konsumidor nomós konsumidor parmanente, ho nune'e sira bele hatene informasaun resentes hosi kompaña sem limitadu ho distansia no tempu.


• Hafasil Observasaun / Survei Nesesidade
  Ho website mós bele fasilitadu ho funsaun observasaun ka survei nesesidade konsumidores ka kandidatu konsumidores atualmente. Ita mos bele kria polling ho fasil no interativu. Iha internet barak tebes kompaña mak implementa ona funsaun polling, observasaun ka survei ne'e.

Hosi vantajen, razaun, no benefísiu importante website bodik-bá mundu negósiu ne’ebé mak Autores esplika ona iha leten, esperadu informasaun ne'e bele ajuda Leitores tomak ne’ebé mak seidauk hatene funsaun no benefísiu website nu’udár média informasaun negósiu.

Obrigadu!

Artiklu ne'e resultadu koperasaun entre elovia.biz ho likisahost.net. Hetan diskontu adisional 5% karik kompra pakote hosting iha LikisaHost. Informasaun kompletu favor asesu ba https://www.likisahost.net/support.html

Kontinua

Dropship & Reseller Iha Mundu Negosiu Online

Tipu negosiu mak atualmente ema barak gosta no interesadu maka negosiu online. Husi observasaun elovia.biz, iha Timor-Leste mos komesa barak ona ema hala'o negosiu online ne'e, tantu individual, grupu ou kompania. Sira utiliza media internet ezemplu website / blog no sitiu rede sosial hanesan Facebook para promove no fa'an sira nian produtu.

Maibe wainhira koalia konaba negosiu online, ita mos tenki hatene katak iha mundu negosiu online mos disponivel variu konseitu sistema vendas (fa'an) mak sempre utilizadu. Rua husi variu konseitu sistema vendas refere maka sistema Dropship no Reseller. Sistema rua ne'e nudar tipu sistema vendas mak altamente fasil ezekutadu tantu perpetradores negosiu profesional ou sira mak foin aprende (inisiantes) iha mundu negosiu online.

Dalaruma ita mak foin konyese ou hatene negosiu online konfundi wainhira interpreta sistema dropship no reseller ne'e, mesmu termu rua refere somente diferente uituan deit karik interpretadu. Esensialmente buat rua refere similariu ho intensaun fa'an fila-fali produtu mak obtidu husi fornesedores ou distribuidores ba konsumidores. Para klaru liu bele le'e esplikasaun iha kraik ne'e :

Sistema Dropship
Sistema dropship maka ida husi sistema fa'an no sosa online mak ne'ebe wainhira hala'o negosiu ho sistema ne'e ita la presija fundus (modal), tamba ho sistema dropship ne'e, la fornese ou oferese stok sasan ou produtu fiziku, somente oferese informasaun fotografia ou seluktan bodik-ba konsumidor, karik konsumidor interesadu hakarak kompras, sasan sei enviadu diretamente husi fornesedores ou distribuidores. Ema mak hala'o negosiu ho sistema ne'e jeralmente temi ho naran Dropshipper.

Mosu perguntas, husi ne'ebe dropshipper bele hetan lukru? Mesmu la fornese stok produtu fiziku rasik, konsumidores mak kompras, sira sei seluk ba dropshipper uluk, tamba konsumidores la hatene informasaun fornesedores ou produtu na'in. Sertamente ho presu ou folin mak adisionadu ona para hetan lukru. Depois dropshipper simu osan husi konsumidores, pagamentu refere kontinuadu ba fornesedores ou produtu na'in ho folin mak akordadu ona.

Ho sistema dropship ita la presija fatin armazenamentu sasan ou produtu. No mos, la presija manda sasan ou produtu mak ita fa'an ba kompradores, tamba fornesedores mak responsavel iha prosesu entrega sasan refere. Papel dropshipper somente nudar sales ou marketing deit.

Husi esplikasaun iha leten sertamente bele dehan katak wainhira hala'o negosiu online ho sistema dropship relativamente fasil liu. Sistema ne'e mos la fornese impaktu ita perda ou tauk lakon osan karik ema la kompra sasan ou produtu.

Sistema Reseller
Diferente uituan ho sistema dropship, Reseller sempre prepara sasan ou produtu fiziku uluk lai antes fa'an fila-fali ba konsumidor. Stok sasan obtidu husi fornesedore ou fabrikante produtu, no reseller kompras ho kuantidade barak ho nune'e produtu refere bele obtidu ho presu baratu.

Sistema ne'e fasil para ezekutadu somente deit ita presija fundus nudar modal negosiu, maibe jeralmente sistema reseller barak liu hetan lukru komparadu ho sistema dropship, tamba fabrikante bele fornese ou oferese produtu ho presu mak baratu liu.

Wainhira hala'o negosiu online ho sistema reseller ne'e, alende bele fa'an diretamente produtu ba konsumidor, bele mos rekruta dropshipper mak bele ajuda fa'an produtu-produtu refere.
 
Oinsa? Bele ona komprende konaba diferensia entre Dropship ho Reseller?

Kontinua

Esplikasaun Simples Konaba Forex

Wainhira koalia konaba topiku negosiu forex talves barak mak seidauk hatene no komprende ho topiku refere. Forex jeralmente bele interpretadu nudar atividade fa'an ou sosa moeda estranjeiru.

Negosiu forex oferese potensia rendimentu mak rentavel no mos oras serbisu mak flexivel (serbisu kualker tempu) halo ema barak interesadu no involve iha atividades negosiu forex kada loron.

Bodik-ba Leitores mak hakarak hatene klean liutan konaba forex, iha artiklu ne'e Autores sei esplika konaba introdusaun no funsaun husi forex refere.

Konaba Forex
Termu forex maka kombinasaun husi palavra 2 lingua ingles "foreign" no "exchange". Foreign signifika "estranjeiru", enkuantu Exchange bele interpretadu nudar "troka", palavra "troka" iha kazu ne'e interpretadu nudar troka moeda. Kuandu palavra 2 refere kombinadu, forex ou foreign exchange bele interpretadu nudar atividade troka moeda estranjeiru. Bele mos atividade fa'an ou sosa moeda estranjeiru. Atividades fa'an no sosa refere involve moeda 2 husi nasaun diferente nudar objetu komersiu.

Ida husi ezemplu mak altamente fasil konaba negosiu forex maka Ita kompra moeda EURO (moeda Europeia) ho maneira fa'an Dollar (moeda Amerika), ou bele mos Ita troka Dollar ba Rupiah (moeda Indonesia).

Objetivu inisiu atividades fa'an no sosa moeda ne'e nudar meius pagamentus internasional (espesialmente eksporta no importa). Entantu, dalaruma akontese diferensia fornesimentu (supply) no demanda (demand) moeda iha merkadu globalmente, no ne'e sei afeita mos valor troka moeda ida ho moeda nasaun seluk bele sa'e ou bele mos tun.

Ezemplu: inisialmente valor troka Rupiah ba Dollar Amerika maka USD 1 = Rp. 10.000

Maibe, tamba diferensia demanda no disponibilidade moeda Dollar, valor troka bele tun hanesan 1 USD = Rp. 9500 ou mos bele sa'e 1 USD = Rp. 13.500

Ho diferensia valor troka moeda hanesan ezemplu iha leten, disponivel vantajen rendimentu mak bele optidu atraves transaksaun refere.


Funsaun Forex
Disponivel 3 funsaun prinsipal mak altamente influente bodik-ba perpetradores negosiu forex. Tuir mai 3 funsaun prinsipal forex refere:

#1. Dahuluk, Hafasil prosesu troka moeda. Jeralmente, atividades ekonomia kada loron presija fundus ho moeda husi nasaun seluk. Ne'e akontese tamba ezistensia nesesidade husi komunidade, ezemplu.

• Bodik-ba nesesidade feriadu ba nasaun liur
• Kompras sasan husi nasaun liur
• Atividades negosiu
• Selu eskola iha nasaun liur
• no seluktan

Transaksaun troka moeda refere bele atraves sistema mak hanaran Clearing. Ida husi ezemplu atendementu refere maka troka moeda estranjeiru mak normalmente ita hare'e iha fatin barak, hanesan banku ou fatin espesifiku troka moeda (Money Changer)

#2. Funsaun Daruak maka proteja valor ou jeralmente temi ho termu Hedging. Hedging bele dehan mos nudar asaun mak normalmente komersiante forex uza nudar "garantia", ho nune'e valor fundus investimentu la reduzidu ou prejuizu (perda) wainhira komersiante refere hala'o transaksaun fa'an forex iha 2 merkadu forex mak diferente. Iha kazu ne'e papel banku altamente importante tebes, tantu banku rai laran no mos banku estranjeiru nudar garantidores fundus.

#3. Datoluk, Funsaun ikus maka utilizadu nudar Arbitrage. Arbitrage bazikamente maka diferensia valor taxa juro husi 2 moeda mak diferente. No asaun Arbitrage nudar asaun bodik-ba komersiante forex para bele hetan lukru husi diferensia moeda refere. Ho liafuan seluk stratejia komersiante forex kompra moeda mak valor tun iha nasaun ida, no fa'an fila-fali moeda refere iha nasaun seluk mak valor moeda refere a'as.
Perpetrador Forex
Iha merkadu forex sertamente disponivel variu perpetrador mak involvidu no fornese influensia iha merkadu forex laran ou ho termu seluk nudar jogadores iha merkadu refere. Tuir mai 6 jogadores mak fornese influensia iha merkadu forex:

1. Banku
Papel Bank altamente importante iha merkadu forex. Iha kazu ne'e kunyesidu ho termu Merkadu Monetariu Entre Bank (MMEB). Papel MMEB rasik para kumpri kuaze nesesidade tomak husi fa'an / sosa no rotasaun moeda iha negosiu global.

Wainhira banku hala'o funsaun nudar perpetradores forex dalaruma banku hala'o prosesu fa'an-sosa moeda utiliza naran klientes. Entantu karik ho montante bo'ot, transaksaun sei utiliza naran husi banku refere.

Broker forex mos utiliza MMEB rasik para hetan rendimentu wainhira vendedores forex no kompradores forex hasoru malu diretamente. Husi ne'eba broker forex bele hetan rendimentu mak la uituan. Entantu atualmente, sistema mak utilizadu MMEB dezenvolvidu ona ho sistema eletroniku mak efetivu liu no efisiente.

2. Nesesidades Negosiu
Perpetrador merkadu forex daruak maka nesesidade kompania ou emprezariu wainhira hala'o transaksaun pagamentu ho utiliza moeda estranjeiru. Bazikamente iha mundu negosiu dalaruma presija fundus ho formatu moeda estranjeiru wainhira hala'o transaksaun, entantu ne'e la fornese influensia direta no la sinti iha sirkunstansia moeda ida.

Maibe diferente nia rezultadu karik mak hala'o ne'e kompania bo'ot hanesan korporativa. Iha ne'e disponivel influensia bo'ot no la bele imprevisivel karik sira hala'o asaun liberasaun moeda estrajeiru ho montante bo'ot. Wainhira sira libera moeda estrajeiru refere, merkadu ou espekuladores susar ou imprevisivel diretamente. Konsekuentemente, valor husi moeda mos bele sa'e ou bele mos tun.

3. Banku Sentral
Papel banku sentral iha ne'e nudar kontrolador fornesimentu monetariu (osan), inflasaun, no mos saida mak relasionadu ho taxa juru. Ho nia papel mak altamente importante, Banku Sentral bele mos fornese influensia ho fasil dezenvolvimento merkadu forex.

Ida husi vantajen Banku Sentral kada nasaun maka somente kria deit intervensaun bele ona halo flutuasaun ba sirkunstansia merkadu forex. Ne'e kauzadu tamba ezisti prekupasaun ho asaun Banku Sentral mak bele hasa'e ou hatun taxa juru moeda.

4. Kompania Jestaun Investementus
Jeralmente Kompania Jestaun Investementus mak halimar iha merkadu forex la kompletamente hala'o negosiu ne'e nudar fontes prinsipal rendimentu. Kompania refere mos nudar korpu mak ordinariu jere variu fundus hanesan fundus pensaun ou fundus doasaun husi fundasaun. Fundus tomak mak sira uza iha merkadu forex dalaruma somente para aumenta rendimentu adisional deit bodik-ba kompania refere.

5. Hedge funds
Perpetrador merkadu forex seluktan maka Hedge funds. Hedge funds maka kompania ida mak foka halimar iha merkadu forex nudar spekuladores. Fundus mak sira husik nudar osan mak realmente utilizadu iha merkadu forex, la iha razaun seluk bodik-ba sira ekseptu bele hetan lukru mak bo'ot husi atividades refere.

Hedge funds mos disponivel abilidade para bele influensia valor moeda diak liu husi Banku Sentral. Karik buat ne'e akontese altamente difisil valor moeda la'o ho diak tamba lokalizadu ona iha sub kontrola korporasaun mak orientadu ba lukru deit.

6. Koretor / Broker Forex
Perpetrador merkadu forex ikus maka koretor / broker forex. Bazikamente koretor / broker forex bele nudar individual, grupu ou kompania mak hala'o serbisu para fasilita klientes / kompradores ho vendedores moeda estranjeiru.

Ezistensia koretor / broker forex altamente ajuda tebes bodik-ba perpetradores negosiu forex ou normalmente temi ho naran forex trading. Maibe tenki kuidade, tamba barak mos kompania koretor forex mak la responsavel ou falsu mak bele prejudika klientes iha negosiu forex.

Kontinua

Kompetisaun Game Arena of Valor Husi TELKOMCEL

Para harame selebrasaun lansamentu teknolojia rede 4G LTE husi operadora telekomunikasaun TELKOMCEL iha Timor-Plaza, loron Sabadu, 24 Fevereiru 2018. TELKOMCEL serbisu hamutuk ho Females Love Information Technology (FEELIT) no hetan apoiu husi Fundasaun Dezenvolvimento Software Livre (FDSL) sei realiza fali kompetisaun game Arena of Valor (AoV) ho tipu jogu 1 kontra 1 (1 VS 1). Oportunidade diak bodik-ba gamers Arena of Valor Timor-Leste iha ne’ebe deit, imi bele mai partisipa iha kompetisaun refere no hetan premiu furak husi TELKOMCEL.

Informasaun loron no data kompetisaun Arena of Valor bele hare'e iha kraik ne'e:

• BRIEFING sei hala'o iha edifisiu FDSL, Loron Sabadu, 17 Fevereiru 2018, Oras tuku 15:00 OTL to'o tuku 17:00 OTL.


• Etapa ELIMINASAUN iha edifisiu FDSL, Loron Domingo, 18 Fevereiru 2018, Oras tuku 09:00 OTL to'o tuku 17:00 OTL.


• Etapa SEMI-FINAL & FINAL iha Timor Plaza, Loron Sabadu, 24 Fevereiru 2018, Oras tuku 15:00 OTL to'o tuku 18:00 OTL.

Rejistrasaun kompetisaun game Arena of Valor gratuita. Formulariu rejistrasaun, kriteria no regulamentu kompetisaun  bele download iha link kraik ne'e.

DOWNLOAD

Kontinua

Maneira Kria Account Arena Of Valor (AOV) Uza Account Facebook

Bodik-ba leitores tomak mak hakarak hatene maneira kria account game Arena of Valor (AoV), oportunidade ne'e elovia.biz sei esplika maneira fasil oinsa kria account AOV atraves dispotivu telemovel Android utiliza account Facebook.

Notas:
Artiklu ne'e la esplika maneira oinsa rejistu account Facebook, ne'e signifika Ita-Boot tenki ona rejistradu nudar utilizador Facebook.

Maneira rejistrasaun account AOV hanesan tuir mai ne'e:

• Loke aplikasaun game Arena of Valor iha telemovel.
  
  
  


• Iha janela login prinsipal AOV, hili butaun "Facebook".
  
  
  


• Kuandu mosu janela Facebook, login utiliza username no password Facebook mak ezisti ona ou rejistradu ona.
  
  



• Depois mosu janela notifikasaun hanesan ilustrasaun iha kraik ne'e, kontinua klik deit butaun "Lanjutkan".
  
  
  


• To'o iha etapa ne'e signifika ita bele ona halimar game AOV utiliza account Facebook. Klik deit butaun "Mulai".
  
  
  


• Ense username foun apropriadu ho nesesidade, no kontinua klik ba butaun "OK".
  
  
  


• Hili kategoria nivel abilidade apropriadu ho saida mak ita bele. Karik foin halimar game AOV, hili deit kategoria "Pemula". Depois determina ona nivel abilidade, klik deit butaun "OK".
  
  
  


• Karik mosu janela hanesan ezemplu iha kraik ne'e, signifika ita susesu ona rejistu nudar membru game Arena of Valor utiliza account Facebook. Agora ita bele ona pratika halimar game Arena of Valor apropriadu ho instrusaun.

Fasil ka lae maneira rejistrasaun nudar utilizador game Arena of Valor utiliza account Facebook?

Karik seidauk komprende ou konfundi ho saida mak Autores hato'o iha artiklu ne'e, bele hakerek pergunta atraves koluna komentariu iha kraik ne'e.

Obrigadu...

Kontinua